छात्रालाई दुर्व्यवहार गरेको आरोप लागेका सुकुनाका थप एक जना शिक्षक पक्राउ, पक्राउ पर्नेको सङ्ख्या पुग्यो चार

Morang Khabar 1+ समाचार ( )
५ श्रावण २०८३, मङ्गलबार

विराटचोकः सुकुना माविमा अध्ययनरत छात्रामाथि दुर्व्यवहार गरेको आरोपमा सो विद्यालयका सङ्गीत शिक्षक भीम नेपाल पनि पक्राउ परेका छन् । सो प्रकरणमा पक्राउ पर्नेहरूको सङ्ख्या चार पुगेको छ ।

मोरङ प्रहरीले सामाजिक सञ्जालमा सार्वजनिक भएका च्याटहरूका आधारमा विद्यालयका लेखा अधिकृत तथा शिक्षक अविरल मास्के, बस चालक प्रदीप भट्टराई र शिक्षक किशोरलाल गच्छदारलाई हिजो बिहान पक्राउ गरेको थियो । घटना सार्वजनिक भएपछि फरार रहेका सङ्गीत प्रशिक्षक भीम नेपाललाई हिजो साँझ पक्राउ गरिएको प्रहरीले जनाएको छ ।

सामाजिक सञ्जालमा सार्वजनिक भएका च्याटमध्ये सबैभन्दा दुर्व्यवहारपूर्ण आशयको च्याट नेपालको थियो । उनले एक छात्रालाई ‘मेरो रूममा आऊ , यतै खाना बनाऔँ, खाऔँ, बसौँ अनि बिहान सँगै जाऔँला,’ भन्दै च्याट गरेका थिए ।

पक्राउ परेका ४ जनामध्ये विद्यालयले आफ्नो फेसबुक पेजमार्फत् ३ जनालाई निलम्बन गरेको छ । पक्राउ परेकामध्ये गच्छदारलाई भने विद्यालयले निलम्बन गरेको छैन ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार