जाँते । लेटाङ ९ जाँतेमा महाकवि लक्ष्मीप्रसाद देवकोटाको ११६ औँ जन्मजयन्ती मनाइएको छ । लेटाङ–९ जाँतेस्थित देवकोटाचौकमा स्थानीय युवाहरुले स्वतस्फूर्त रुपमा भेला भएर महाकवि देवकोटाको जन्मजयन्ती मनाएका हुन् ।
उनीहरुले देवकोटा चौकमा रहेको महाकवि देवकोटाको अर्धकदको शालिकमा माल्यार्पण गर्नुका साथै देवकोटाको सम्झनामा दीप प्रज्ज्वलन गरि जन्मजयन्ती मनाएका हुन् । सो अवसरमा महाकवि देवकोटाले नेपाली साहित्यमा पुर्याउनु भएको योगदानको बारेमा समेत चर्चा गरिएको थियो ।
सुरुवाती दिनहरुमा स्थानीय नवदेवकोटा पुस्तकालयको अगुवाइमा वृहत कार्यक्रम गरि महाकविको जन्मजयन्ती मनाउने गरिएकोमा पछिल्लो समय अनौपचारिक रुपमा मात्र जन्मजयन्ती मनाउने गरिएको छ । आगमी दिनमा वृहतरुपमा कार्यक्रम गरि जन्मजयन्ती मनाउने योजना रहेको स्थानीय युवा नवराज ढकालले जानकारी दिनुभयो ।
