लेटाङ । लेटाङ नगरपालिका वडा नम्बर ५ स्थित मदन भण्डारी राजमार्गमा २ वटा मोटरसाइकल ठक्कर खाँदा १ जना घाइते भएका छन् । लेटाङ ५ खेरुवा बुधबारेमा दक्षिणतर्फको शाखाबाटो बाटा अएको प्रदेश १–०२–४३ प ५६८९ नम्बरको मोटरसाइकल र मदन भण्डारी राजमार्गमा पूर्वबाट पश्चिम आउँदै गरेको को २१ प २२७१ को मोटरसाइकल ठक्कर खाँदा दुर्घटना भएको हो ।
दुर्घटनामा को २१ प २२७१ नम्बरको मोटरसाकल चालक लेटाङ ९ फेसबुकचोक निवासी २७ वर्षीय दीपक घिमिरे घाइते भएका छन् । उनलाई उपचारका लागि एडभान्स अस्पताल लेटाङ लगिएकोमा टाउकोमा चोट देखिएकाले थप उपचारका लागि विराटनगर पठाइएको प्रहरीले जनाएको छ ।
मदन भण्डारी राजमार्गमा २ वटा मोटरसाइकल ठोक्किएकोमा घिमिरेले चलाएको मोटरसाइकल राजमार्गको नाला भित्र छिरेको थियो भने चालक घिमिरे नालाभन्दा तल झरेका थिए ।
हेलमेट लगाएका कारण आफ्नो ज्यान जोखिएको घाइतेको भनाइ छ । अर्को मोटरसाइकल चालक आयुस श्रेष्ठको अवस्था भने सामान्य छ । दुर्घटनामा घिमिरेले चलाएको मोटरसाइकलमा निकै क्षति पुगेको छ भने अर्को मोटरसाइकलमा सामान्य मात्र क्षति पुगेको छ ।
