लेटाङ । लगातार ६ दिन बढेको शेयर बजारमा आज शुरुदेखि नै लगानीकर्ता शेयर खरीदमा भन्दा बिक्रीमा लागेका छन् । जसका कारण २ घण्टामा सूचक २९ अङ्कले घटेको छ । कारोबार रकम घण्टामा २ अर्ब ५० करोड १ लाख ९५ हजार ६६० रुपैयाँको भएको छ ।
घटेको बजारमा मातृभूमि लघुवित्तको शेयरमूल्य सर्वाधिक ९.१० प्रतिशत घटेको छ । हालै दोस्रो बजारमा आईपीओ सूचीकृत भएको एभरेष्ट कलरको शेयरमूल्य १५ प्रतिशत बढेको छ ।
रिडी पावरको सबैभन्दा धेरै २१ करोड ३८ लाख ३९ हजार ९६ रुपैयाँको शेयर किनबेच भएको छ । सबैभन्दा धेरै रिडी पावरकै १४ लाख ७१ हजार ६०७ कित्ता शेयर किनबेच भएको छ । सबैभन्दा धेरै पटक कारोबार हुनेमा भने सानिगाड हाइड्रो परेको छ । सो कम्पनीको शेयर १ हजार ७०१ पटक किनबेच भएको छ ।
१.०३ प्रतिशतले घटेर नेप्से सूचक २६९७ आसपासमा अडिएर कारोबार भइरहेको छ ।
