- छवि श्रेष्ठ
लेटाङ । लेटाङ नगरपालिका ५ नम्बर वडा कार्यालयले जेष्ठ नागरिक, बिरामी तथा अशक्त नागरिकहरूसँग भेटघाट तथा स्वास्थ्य परीक्षण कार्यक्रम सम्पन्न गरेको छ । कार्यक्रम अन्तरगत वडाध्यक्ष भूमबहादुर सूर्यमगरको नेतृत्वमा वडासदस्यहरु शोभा खड्का, रामबहादुर पौडेल लगायत वडाका कर्मचारीहरु र स्वास्थकर्मीहरुले घर–घरमा पुगेर सेवा प्रदान गर्ने गरेका छन् ।
वडाका जनप्रतिनिधिहरुले वडा भित्रका जेष्ठ नगारिक, अशक्त तथा विरामी भएर थलिएका व्यक्तिहरुको घरमै स्वास्थ्यकर्मीहरु सहित पुगेर स्वास्थ्य जाँच गरिदिने तथा पौष्टिक खानेकुरा वितरण गर्ने गर्दछन् ।
घरबाहिर हिँडडुल गर्न समेत गाह्रो हुने जेष्ठ नागरिक तथा अशक्तहरुको घरमै स्वास्थ्यकर्मीसहित पुगेर वडाका जनप्रतिनिधिहरुले स्वास्थ्य जाँच गराउनुका साथै सुख–दुःखका गफगाफ गरेपछि जेष्ठ नागरिक तथा अशक्त व्यक्तिहरु पनि खुसी हुने गरेका छन् ।
स्थानीय समुदायसँग जोडिने, गुनाशो सुन्ने र उनीहरूको स्वास्थ्य जाँच समेत गराइदिने उद्देश्यले घरदैलो कार्यक्रम गरेको वडाध्यक्ष मगरले बताउनुभयो । जेष्ठ नागरिक तथा अशक्त नागरिकहरुको स्वास्थ्य जाँच गराउनका साथै उनीहरुलाई अण्डा, हर्लिक्स जस्ता पौष्टिक खानेकुरा पनि उपहार स्वरुप दिने गरिएको छ ।
राम्रो कार्य