जनकपुरः श्रम संस्कृति पार्टीका अध्यक्ष हर्कराज साम्पाङलाई स्वागत गर्न जनकपुरधामको जानकी मन्दिरमा पुगेका नेता तथा कार्यकर्तालाई हिन्दू सम्राट सेनाले लखेटेका छन् । साम्पाङको विगतको गाईसम्बन्धी अभिव्यक्तिको विरोध गर्दै उनलाई जनकपुरमा प्रवेश निषेध गर्ने चेतावनी दिइएको छ ।
घटनापछि श्रम संस्कृति पार्टीका अध्यक्ष साम्पाङले सामाजिक सञ्जालमा घटनाको निन्दा गर्दै गृहमन्त्रीको फोन अफ भएको गुनासो गर्दै कार्यकर्तालाई संयमित हुन आग्रह गर्नुभएको छ ।
साम्पाङ आज जानकी मन्दिर दर्शनका लागि जनकपुर आउने र जनकपुरमा श्रम संस्कृति पार्टीको साधारण सभा तथा पार्टी प्रवेशको कार्यक्रम रहेको थियो ।
हर्क साम्पाङले फेसबुकमा ‘गाई कसले खाएको रैछ ? गाई खानेलाई मन्दिरमा पस्न नदिने भनेको देखें ! यो कसले कस्तो राजनीति गर्न खोजेको रैछ ? जय जानकी मन्दिर ! भन्दै स्टाटस लेख्नुभएको छ ।
