इटहरीः लेन अनुशासन कायम गर्दै प्रभावकारी ट्राफिक व्यवस्थापनमा सहयोग पुर्याउने उद्देश्यले विभिन्न संघ–संस्थाले नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरीलाई ६४ थान ट्राफिक कोन प्रदान गरेका छन् ।
ती कोनहरू सडकमा लेन अनुशासन कायम गर्न, सवारी साधनको सुरक्षित आवागमन सुनिश्चित गर्न तथा ट्राफिक व्यवस्थापनलाई थप प्रभावकारी बनाउन प्रयोग गरिने कार्यालयले जनाएको छ ।
इटहरी भेट्रान क्लब, किसान कल्याण बचत तथा ऋण सहकारी, पूर्वाञ्चल बचत तथा ऋण सहकारी, शुभलाभ बचत तथा ऋण सहकारी, प्रशोधित पिउने पानी तथा माछापुच्छ्रे इन्जिनियरिङले ती कोन प्रदान गरेको कार्यालयले जनाएको छ ।
सम्बन्धित संस्थाका प्रमुख तथा प्रतिनिधिहरूले कार्यालय प्रमुख प्रहरी उपरीक्षक दीपक गिरीलाई ती कोन हस्तान्तरण गर्नुभएको थियो ।
