सुन्दरहरैंचा । मोरङको गछिया जेसीजले नवौ स्थापना दिवस विविध कार्यक्रमसहित मनाएको छ । गछिया जेसीजले जेष्ठ १७ गते आफ्नो नवौं स्थापना दिवसको अवसर पारेर सुन्दरहरैंचा ३ स्थित श्री शेषनारायण दिव्यधाम गुरुकुलमा शैक्षिक सामग्री हस्तान्तरण गरेको छ भने गछिया जेसिज सचिवालयमा शुभकामना आदानप्रदान कार्यक्रम पनि संचालन गरेको छ । गछिया जेसिज बर्ष २०२३ का अध्यक्ष जेसि. प्रदिप बिष्टको अध्यक्षतामा सम्पन्न शैक्षिक सामग्री बितरण
कार्यक्रममा प्रमुख अतिथि श्री शेषनारायण दिव्यधाम गुरुकुलमका संचालक डा. यतिराज आचार्य रहनु भएको थियो । अध्यक्ष प्रदिप बिष्टले फेरि एक वर्षका लागि गुरुकुलमा आवस्यक शैक्षिक सामग्री उपलब्ध गराउने घोषणा समेत गर्नुभयो । गछिया जेसिज सचिवालयमा संचालित शुभकामना आदानप्रदान कार्यक्रममा गछिया जेसिजका सँस्थापक अध्यक्ष जेसी. दुर्गाप्रसाद घिमिरे प्रमुख अतिथि रहनु भएको थियोे । कार्यक्रममा गछिया जेसिज बर्ष २०२३ का बोर्ड मेम्वर, पूर्व अध्यक्षहरु तथा जेसीज सदस्यहरुको उल्लेख उपस्थिति रहेको थियो ।
