पथरीशनिश्चरे । मोरङको पथरीशनिश्चरेमा लैंगिक हिंसा र मानसिक स्वास्थ्य समस्या समाधान विषयक गोठी सम्पन्न भएको छ ।
सामुदायीक विकास मञ्च (सीडीएफ) को आयोजना, व्रेड फर द वल्र्ड जर्मनीको आर्थिक सहयोग तथा अन्तर धार्मिक शान्ति महासंघको साझेदारीमा भएको गोष्ठीमा हिन्दू, वौद्ध, किराँत, इस्लाम, इसाइ लगायत धर्मका अनुयायीहरु गरि २५ जनाको सहभागीता रहेको थियो ।
सामुदायीक विकास मञ्चका अध्यक्ष रामचन्द्र बुढाथोकीले अध्यक्षता गर्नु भएको गोष्ठीमा अन्तर धार्मिक शान्ति महासंघ मोरङका सचिव चन्द्र कुमार घिसिङको प्रमुख आतिथ्यता रहेको थियो । यसैगरि वडाका जनप्रतिनिधिहरु तथा भुटानी शरणार्थी वेस क्याम्पका सहायक प्रहरी निरीक्षक तिलक न्यौपानेको आतिथ्यता रहेको थियो ।
सीडीएफका कार्यालय प्रमुख नर बहादुर लिम्बूले सहजिकरण गर्नु भएको गोष्ठीमा लैंगिक हिंसा के हो ? यसबाट को बढी समस्यामा परेको छ ? र न्यूनिकरण कसरी गर्न सकिन्छ भन्ने विषयमा छलफल गरिएको थियो ।
