पथरीः मोरङको पथरीशनिश्चरेस्थित एक विद्यालयका विद्यार्थीलाई कुटपिट गरेको आरोपमा प्रहरीले एक शिक्षकलाई पक्राउ गरेको छ ।
जिल्ला प्रहरी कार्यालय मोरङका अनुसार पथरीशनिश्चरे नगरपालिका–५ स्कुलचोकस्थित श्री अमरसिंह माध्यमिक विद्यालयमा अध्ययनरत एक विद्यार्थीलाई कुटपिट गरी घाइते बनाएको उजुरीपछि सोही विद्यालयका शिक्षक ३८ वर्षीय प्रकाश अधिकारीलाई पक्राउ गरिएको हो । झापाको गौरादह नगरपालिका–४ निवासी अधिकारीलाई शनिबार इलाका प्रहरी कार्यालय पथरीको टोलीले पक्राउ गरेको हो ।
साउन ६ गते बिहान करिब सवा १० बजे अधिकारीले विद्यार्थीलाई कुटेको उजुरीका आधारमा इलाका प्रहरी कार्यालय पथरी र अस्थायी प्रहरी पोस्ट हसन्दहबाट खटिएको टोलीले शिक्षक अधिकारीलाई नियन्त्रणमा लिएको थियो ।
