लेटाङ । लेटाङ नगरपालिका वडा नम्वर ४ लाई बालमैत्री वडा घोषणा गरिने भएको छ । सोहि तयारी स्वरुप जिल्ला समन्वय समिति मोरङका प्रमुख अजम्वर राई नेतृत्वको टोलिले मंगलबार स्थलगत अनुगमन गरेको छ ।
जिल्ला समन्वय समिति मोरङका प्रमुख अजम्बर राई, लेटाङ नगरप्रमुख भुपेन्द्र कुमार लावती, उपप्रमुख कृष्ण कुमारी निरौला, वडाध्यक्ष रामकुमार श्रेष्ठ तथा नगरपालिका र जिससका कर्मचारी सहितको सहभागितामा अनुगमन गरि समन्वय बैठक पनि सम्पन्न भएको छ ।
वैठकले आगामी मंसिर २४ गते भव्यरुपमा कार्यक्रम गरि नगरको पहिलो वडाको रुपमा लेटाङ ४ लाई बालमैत्री घोषणा गर्ने तय गरेको लेटाङ ४ का वडाध्यक्ष रामकुमार श्रेष्ठले जानकारी दिनुभयो ।
लेटाङ नगरपालिकाले घोषणापूर्वका सबै आवश्यक सूचक पूरा गरिसकेको दावी गर्दै अनुगमनका लागि जल्ला समन्वय समितिलाई जानकारी गराएपछि जिससको टोलिले स्थलगत अनुगमन गरेको हो ।
अनुगमनका क्रममा आवश्यक सूचकहरुको मापदण्ड पुगेको देखिएकाले लेटाङक वडा नम्बर ४ लाई बालमैत्री वडा घोषणा गरिने जिल्ला समन्वय समिति मोरङका अधिकृत गिरिराज भट्टराईले जानकारी दिनुभयो ।
वडा नम्बर ४ ले बालमैत्रीका सबै ५१ सूचक पूरा गरिसकेकाले लेटाङ नगरभित्र पहिलोपटक कुनै वडालाई बालमैत्री घोषणा गर्न लागिएको जनाइएको छ ।
भिडियो हेर्न यहाँ क्लिक गर्नुहोला ।
