झापा । निरौला वन्धू सेवा समाज केन्द्रीय कार्य समितिको अध्यक्षमा डा तुलशी प्रसाद निरौला निर्वाचित हुनु भएको छ । शनिबार झापाको कन्काइस्थित कोटीहोममा रहेको केन्द्रीय कार्यालयमा भएको १२ औँ राष्ट्रिय महाधिवेशनले सर्वसम्मतरुपमा विराटनगरमा डाक्टर तुलशी प्रसाद निरौलालाई अध्यक्षमा निर्वाचित गरेको हो ।
विराटनगरस्थित महेन्द्र मोरङ क्याम्पसका प्राध्यापक समेत रहेका नवनिर्वाचित अध्यक्ष डाक्टर तुलशी प्रसाद निरौलाले रशायन शास्त्रमा विद्यावारिधि गर्नु भएको छ । यसैगरि महाधिवेशनबाट वरिष्ठ उपाध्यक्षमा भुवन निरौला तथा उपाध्यक्षमा सरस्वती निरौला, इन्द्रप्रसाद निरौला, इश्वर निरौला, फणिन्द्र निरौला, तिर्थराज निरौला र गुरुप्रसाद निरौला निर्वाचित हुनु भएको छ ।
यस्तै महाधिवेशनले महासचिवमा पवित्रा सापकोटा निरौला, सचिवमा शोभित निरौला, कुष्णप्रसाद निरौल र रुद्र निरौला तथा कोषाध्यक्षमा शरद निरौलालाई निर्वाचित गरेको छ । महाधिवेशनबाट १ अध्यक्ष, १ वरिष्ठ उपाध्यक्ष, ६ उपाध्यक्ष, १ महासचिव, ३ सचिव र १ कोषाध्यक्ष गरि १३ जना पदाधिकारीसहित ४१ सदस्यीय नयाँ कार्यसमिति निर्वाचित भएका हुन् ।
यसैगरि महाअधिवेशनले लेखा समिति संयोजकमा गणेशप्रसाद निरौला तथा सदस्यमा इश्वरा निरौला र हेतिराज निरौलालाई निर्वाचित गरेको छ ।
विभिन्न जिल्ला तथा पालिकाबाट आएका प्रतिनिधिहरुले आ आफ्नो जिल्लाबाट ४१ जना केन्द्रीय सदस्य चयन गरि त्यसमध्येबाट पदाधिकारीमा उम्मेदवारी घोषणा गर्न लगाइ सर्वसहमतिमै नयाँ कार्य समिति निर्वाचित गरिएको हो ।
विधान बमोजिम ६१ सदस्यीय केन्द्रीय कार्य समिति निर्माण गर्न सकिने भएपनि तत्काललाई ४१ सदस्यीय समिति निर्वाचित गरिएकोमा अवाश्यकता अनुशार विभिन्न क्षेत्रबाट अन्य सदस्यहरु मनोनित गर्न सकिने जनाइएको छ ।
