लेटाङ । लेटाङ–८ जाँतेस्थित नोवेल एजुकेशन एण्ड डेभलप्मेन्ट फाउण्डेशन, लेटाङ प्याब्सन स्पोर्टस् मिटको च्याम्पियन बन्न सफल भएको छ ।
कूल २६ वटा खेलमध्ये ११ वटा खेलमा स्वर्ण जित्न सफल नेवोल एजुकेशन एण्ड डेभलप्मेन्ट फाउण्डेशन ११ स्वर्ण, ३ रजत र २ कास्य गरि कूल १६ पदकसहित च्याम्पियत बन्न सफल भएको हो ।
च्याम्पियन बन्ने क्रममा नोवेल एजुकेशनले प्राइमरी छात्र फुटबल, सेकेण्डरी र लोयर सेकेण्डरी छात्रा फुटबल, छात्रा लङजम्प, छात्र हाइजम्प र ज्याब्लिङथ्रो, लोयर सेकेण्डरीको छात्रतर्फको टग अफ वार, ३ हजार मिटर दौडमा छात्र र छात्रा दुवैतर्फ स्वर्ण जितेको हो ।
नोवेल एजुकेशनलाई च्याम्पियन बनाउने क्रममा छात्रा मल्लिका तिम्सिनाले एक्लै ३ स्वर्ण पदक दिलाएकी छन् । उनले छात्रा लङजम्प र ३ हजार मिटर दौडमा व्यक्तिगत स्वर्ण पाइन् भने सेकेण्डरी महिला फुटबलतर्फ स्वर्ण दिलाउन महत्वपूर्ण भुमिका खेलिन् ।
यसैगरि लेटाङ ४ स्थित लेटाङ ग्रीन भ्याल्ली एकेडेमी ७ स्वर्ण, ४ रजत र ६ कास्यसहित कूल १७ पदक जित्दै दोश्रो हुँदा ३ स्वर्ण र १ कास्यसहित ४ पदक जितेको पब्लिक सेन्ट्रल तेश्रो भएको छ ।
लेटाङ नगरपालिका भरिका १४ वटा सँस्थागत विद्यालय सहभागि भएको प्रतियोगितामा २ वटा विद्यालयले भने कुनै पदक जित्न सकेनन् । गतवर्षको विजेता जाँते नमुना सेकेण्डरी स्कुल १ स्वर्ण, १ रजत र २ कास्यमा सिमिति हुँदै आठौँ स्थानमा पुगेको छ ।
कार्तिक १० गते सुरु भएर १४ गते सम्पन्न भएको प्रतियोगितामा २६ खेलका स्वर्ण, रजत र कास्य गरि कूल ६८ पदकको छिनोफानो भएको हो । प्रतियोगिताको च्याम्पियन बन्न सफल नोवेल एजुकेशनले च्याम्पियनशिपको रनिङ शिल्ड हात पारेको छ ।
कार्यक्रमका प्रमुख अतिथि लेटाङ ४ का वडाध्यक्ष रामकुमार श्रेष्ठ लगायतले विजेताहरुलाई ट्रफि, मेडल वितरण गर्नु भएको थियो । कार्यक्रममा बोल्दै वडाध्यक्ष श्रेष्ठले प्याब्सन स्पोर्टस् मिटका कारण नगरको खेल क्षेत्रको विकासमा ठूलो मद्दत पुगेको भन्दै यसप्रकारका खेलकुदका कार्यक्रमहरु नियमति रुपमा व्यवस्थित तवरले सञ्चालन गर्नुपर्नेमा जोड दिनुभयो ।
पदक तालिका यस प्रकार छ ।
