लेटाङ ९ जाँतेमा चोरको विगविगी, ताला फुटाएर नगद चोरी, ग्रील तोडेर सुनचाँदी पसलमा चोरीको प्रयास (भिडियोसहित)

Morang Khabar 1+ समाचार ( )
२२ श्रावण २०८२, बुधवार

जाँते । लेटाङ ९ जाँतेमा मंगलबार राति विभिन्न ३ ठाउँमा चोरीका घटना भएका छन् । लेटाङ ९ जाँतेस्थित मदन चौकमा तुलशी पौडेलले सञ्चालन गर्दै आएको हार्डवेयर पसलबाट करिव ९ हजार नगद चोरी भएको छ । 

विहान उठेर हेर्दा पसलको ढोकामा लगाएको ताला फुटाएर भित्रपसी गल्लाको ताला समेत फुटाइ गल्लामा रहेको करिव ९ हजार नगद चोरी गरेको पाइएको पौडेलले जानकारी दिनुभयो । 

यसैगरि लेटाङ ९ जाँतेस्थित मदनचौक भन्दा केहि उत्तरमा टेकनाथ निरौलाले घरैमा सञ्चालन गर्दै आएको सुनचाँदी पसलमा समेत चोरीको प्रयास भएको छ । चोरी गर्ने उद्देश्यका साथ सो पसल रहेको घरको झ्यालको ग्रील निकालेर भित्र पसेको पाइएको छ ।

पछाडीको कोठाबाट ग्रील निकालेर भित्र पसेपनि पसलसम्म भने पुग्न नसकेपछि संलग्नहरु भागेको देखिएको सञ्चालक टेकनाथ निरौलाले जानकारी दिनुभयो ।

यस्तै निरौलाकै छिमेकी चन्द्र बुर्जा मगरको भान्सा घरको ताला समेत फुटाएको पाइएको छ । तर चोरी भने नभएको मगरले जानकारी दिनुभयो । यस विषयमा प्रहरीलाई बुझ्दा सीसी क्यामेराको आधारमा खोजी कार्य भइरहेको जनाएको छ ।   

भिडियो हेर्न यहाँ क्लिक गर्नुहोला । 


प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार