लेटाङ । पार्टीका नेता कार्यकर्तालाई सामाजिक काममा जोड्ने उद्देश्यका साथ नेकपा एमालेको सुरु गरेको अभियान लेटाङ नगरपालिकामा पनि सुरु गरिएको छ । लेटाङ नगर कमिटीलाई पार्टीबाट आएको सर्कूलर अनुशार नगरका विभिन्न वडामा समाजिक काम अन्तरगत सरसफाई कार्यक्रम अभियानकै रुपमा अघि बढाइएको छ ।
पार्टीका विभिन्न जनवर्गिय संगठनलाई वडागतरुपमा जिम्मेवारी तोकेर हरेक वडामा सरसफाई कार्यक्रम सुरु गरिएको हो । अभियान अन्तरगत मंगलबार रिटर्नी फेडेरेसन लेटाङ नगर कमिटीको आयोजनामा लेटाङ नगरपालिका वडा नम्बर ९ मा सरसफाई कार्यक्रम गरिएको छ । लेटाङ ९ स्थित श्री माविको परिसरमा सरसफाई गरिएको हो ।
लेटाङ नगरपालिका उपप्रमुख तथा नेकपा एमाले जिल्ला कमिटी सदस्य कृष्णकुमारी नरौलाको प्रमुख आतिथ्यतामा भएको सरसफाई कार्यक्रममा, जिल्ला कमिटी सदस्य खेमराज ढकाल, नगर कमिटी सचिव जीतबहादुर लामा, किसान महासंघ कोशी प्रदेश कमिटी सदस्य इमनाथ पोखरेल, नेकपा एमालेका नगर कमिटी सदस्यहरु, वडा कमिटीका पदाधिकारी तथा सदस्यहरु लगायत पार्टी सदस्य तथा समर्थकहरुको सहभागिता रहेको थियो ।
लेटाङका वडा नम्बर ८ र ९ मा सरसफाई अभियान सम्पन्न गरेकोमा अन्य वडामा पनि निरन्तर कार्यक्रम सञ्चालन गरिने नेकपा एमाले लेटाङका प्रकाशन तथा प्रचार विभाग प्रमुख रेवती निरौलाले जानकारी दिनुभयो ।
लेटाङ नगरपालिका का मा भएको भ्रष्टाचार मा सम्ल गन पाटि का दास हरु को पनि नगरिक लाई सुचना दिनुपर्नेछ यो निउज ले तरिफ मात्रै गर्ने होइन